Agora que pasaron esas primeiras semanas de despedidas, separacións ( máis e menos sinxelas) de paseíños polo patio; de pises e cambios de roupa; de regularse nun espazo novo e descoñecido; pasamos a rodar... A ir, paseniño, recoñecéndonos nos demais, respectando e recollendo esa imaxe que o outro nos dá de nós mesmos.
É un tempo moi importante, tempo que cada nena e neno marcan, deixándonos ver e saber como van acoplándose a toda esta maquinaria que é a escola.
Os de 3 gozan e exploran un espazo novo e descoñecido, con persoas moi diversas que lles aportan diferentes vivencias e unha chea de iguais ao seu redor. Os de 4 voltan máis maiores que nunca, saúdando ás mestras na distancia cunha mirada, como amosando que xa non precisan das nosas mans acompañándoos, cun verán polo medio que o cambiou todo ; e os de 5 chegan ao que será o seu último ano na escola pequena, o último paso. A un suspiro de ir ao cole dos maiores, e sentíndose con razón, os reis do patio.
Así con todo a punto, comezamos un novo curso cheos de emoción, cheos de ganas de aprender deles e con eles. Cheos de ledicia e ilusión por acompañar, un ano máis á infancia.
E xa está todo en marcha!