Canle ética

IMPORTANTE: Esta Canle Ética está destinada exclusivamente a recibir DENUNCIAS relacionadas con incumprimentos legais e certos aspectos dos Códigos de Conduta e Prácticas Responsables en relación co Regulamento do Comité de Ética e outras normas de cumprimento internas e externas do CPR Martín Codax.

Esta canle está dispoñible para todas as partes interesadas do CPR Martín Codax: Xunta Directiva, persoal docente e non docente, usuarios dos servizos, familiares dos usuarios dos servizos, voluntarios, membros, provedores e colaboradores da organización.

Todas as denuncias recibidas serán analizadas e procesadas de acordo cos procedementos establecidos no PROCEDEMENTO DA CANLE ÉTICA do CPR MARTÍN CODAX.

Ao enviar o seguinte formulario de recollida de datos para presentar a súa denuncia, acepta a política de privacidade do CPR Martín Codax, que pode consultar no apartado Protección datos da web.

Unha vez enviado o formulario, recibirá automaticamente un código de identificación a través do cal poderá coñecer, en calquera momento, o estado de tramitación da comunicación ao longo do procedemento de xestión. O CÓDIGO DE IDENTIFICACIÓN, ANTE DENUNCIAS ANÓNIMAS, SERÁ A ÚNICA VÍA DE ACCESO E SEGUIMENTO POLO QUE É RESPONSABILIDADE DO INFORMANTE A SÚA ADECUADA CONSERVACIÓN. A continuación, o persoal autorizado recibirá a súa comunicación e confirmaralle a súa recepción dentro do prazo establecido pola normativa vixente de aplicación. Así mesmo, se fixese falta ampliar a información para levar a efecto a comunicación en curso, requiriráselle a mesma a través do sistema de comunicación interna, garantindo, en todo momento, a confidencialidade do informante e, exclusivamente, para cumprir cos trámites que correspondan para xestionar a súa comunicación.

Esta canle NON está destinada a recoller suxestións, comentarios ou consultas sobre as actividades dos centros e servizos do CPR Martín Codax. Nese caso pode dirixirse a info@colexiomartincodax.com ou no teléfono: 986288095.