Como xa é tradición, un ano máis luciou o sol para desfrutar das marabillosas máscaras dos nenos e nenas durante o desfile do entroido no cole.  Este mes, estiveron traballando moito nas aulas para facelas e percorreron o patio xunto o son da "batucada". A música, interpretada polas nenas e nenos de 5º e 6º con instrumentos deseñados e construidos por eles mesmos baixo a dirección do grandísimo Rafa, fixo vibrar aos participantes e espectadores do desfile de máscaras.

Logo dos nervios da espera, chegou o momento de gozar da festa e lucir con orgullo o froito do esforzo de varias semanas de planificación, deseño e elaboración. O froito de escudriñar na parte máis profunda e creativa de cada neno e nena que finalmente ve a luz en forma de máscara. Infinidade de formas e cores, pero todas cunha característica común, que son o resultado do traballo e esmero de cada un, nada máis e nada menos.

Parabéns, artistas !!! Todo o mérito é voso.

Foi un día de xuntanza para todos !

 Recordade que podedes ver as fotos do desfile na área privada da web, tanto as dos nenos pequenos coma dos maiores.