A miúdo nos aparecen dúbidas acerca de cal será a forma normativa para escribir unha palabra. Sempre podemos botar man dun dicionario que é a ferramenta máis cómoda e que todos debemos ter na casa. Sen embargo, non sempre temos esa posibilidade. Pois ben, outra maneira de consultar a ortografía dunha palabra é o VOLG (Vocabulario Ortográfico da Lingua Galega). Trátase dun listado de palabras que publica o I.L.G. (Instituto da Lingua Galega) que ten a última palabra, e nunca mellor dito, no referente á ortografía do galego. Ollo, é un listado de palabras, polo que non atoparedes definicións; só poderedes consultar se é correcta ou incorrecta unha palabra.