O outono sempre cubre a nosa escola cun manto de cores, choiva e vento. Deixándose notar e querendo dicir "aquí estou"

A rapazada de infantil vai descubrindo cada día as marabillas desta estación...

Os de 5 anos aproveitan a experiencia de ser os máis veteranos do patio para atopar os mellores escondites e crear os mellores xogos coas follas, a auga e a lama. Os de 4 anos síntense " máis capaces de" xa sen a mirada constante do adulto, e sendo quen de arriscar e explorar novos lugares que parecían agochados no ano anterior... Os de 3, xa adaptados, van pouco a pouco descubrindo este novo mundo que é a escola, cheo de nenos e nenas berrando, correndo, rindo, xogando...Cheo de persoas e espazos novos que lles aportan vivencias ata agora descoñecidas, cheo de vida. Vida que se abre paso a traves das árbores e as plantas,dos cogomelos e froitos, das riadas e charcos... 

Vida, no Martín Codax.

Deixámosvos algunhas fotos do alumnado de infantil disfrutando de todo esto na área privada