Como todos os anos, ao final do segundo trimestre celébrase a "Semana Cultural" na escola. A partir do próximo martes, os rapaces e rapazas da ESO cambian de rol converténdose en mestras e mestres dos máis pequenos. Despois de semanas traballo nos preparativos chega o momento de render contas ante o esixente público de primaria e infantil. Como sempre, o equipo de redacción formado, temén por alumnado da ESO, irá informando puntualmente das actividades realizadas con artigos, fotos, vídeos, entrevistas, etc.
Como colofón a esta intensa semana, o venres poderemos desfrutar dun concerto do grupo de folk contemporaneo Abril. Aquí tedes uns enlaces para coñecer un pouco o grupo e as súas cancións e así desfrutar aínda máis o concerto do venres.
