bombillas de silicio

Un consorcio canadiense chamado group IV ven de patentar un tipo de bombilla que non emprega nin filamento (as de toda a vida) nin gas (as de baixo consumo) no seu interior, senón semiconductores de silicio. A nova pode parecer intrascendente pero, sen embargo, segundo os seu inventores, consume un 90% menos que as bombillas tradicionais, ten unha vida media de 50.000 horas (fronte ás 1.000 das tradicionais ou as 5.000 das de baixo consumo), e apenas despide calor (case toda a electricidade que pasa por ela convértese en luz, practicamente non hai perdas en forma de calor). Estarán dispoñibles para os consumidores no 2010, e, probablemente, causarán unha auténtica revolución nun sector que move anualmente 12.000 millóns de dólares.