Emporcarnos, enchernos de algo que non sexamos nós, de algo descoñecido, dunha pasta, dunha sensación, dun proceso.

Nestas últimas semanas tivemos a sorte de contar con Xacobe, un dos mestres de plástica de primaria, co que desfrutamos  dunhas sesións creativas coa arxila.

A arxila, un material moldeable, cambiante, sensorial, un material co que experimentar a través do corpo e da mente, facilitándolles aos pequenos novas ferramentas e vías de expresión. Con ela poideron manipular en diferentes estados e cores. As súas pegadas transformáronse en murais rupestres, as follas e flores do noso entorno, nun estampado, e as súas mans moldearon bloques e formas, facendo e desfacendo, CREANDO.